Zer da guifi.net

Badaude elkarkonexio mota batzuk, non azpiegitura erabiltzaileona den eta sarearen irekitasuna, neutraltasuna eta askatasuna bermatzen diren. Mota honetako proiektu bat Guifi.net izenekoa da.

Guifi.net horizontalki antolaturiko proiektu ireki eta partehartzailea da. Guifi.net partehartzaile guztiona da, norbanako indibidual nahiz kolektibo, enpresa, administrazio eta unibertsitateak biltzen ditu bere baitan, besteak beste.

Parekideen arteko elkarkonexio akordioetan oinarritzen den telekomunikazio sare ireki, aske eta neutral batek osotzen du, non partehartzaile bakoitzak bere antena erabiliz sarera konektatzean, sarea hedatzen duen eta beste guztiekin konektatzen den.

Sare honek Euskal Herrian zehar izango duen hedapenaz arduratzeko Guifi.net Euskal Herria lan taldea sortu da. Talde lokal hau komunikazio askean interesaturiko pertsonez osatutako eta Guifi.net sarearen hedapena Euskal Herrian bultzatzeko beharrezko esfortzuak koordinatzeko espazio irekia da.

Gure helburua Euskal Herri osoan sare aske, ireki eta neutrala sortzea da, XOLN elkarkonexio akordio proamankomunean oinarriturik.